https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


30 верасня мінская міліцыя запрашае на прафарыентацыйную акцыю


З 15 да 17 гадзін на пляцоўцы каля Нацыянальнай бібліятэкі пройдзе другая ў гісторыі мінскай міліцыі маштабная акцыя ГУУС Мінгарвыканкама “Служыць закону - прызванне і жыццёвае крэда”.
Мерапрыемства праводзіцца з мэтай папулярызацыі службы ў органах унутраных спраў і прыцягнення на навучанне ў міліцэйскія ВНУ.

Як паведамілі ў аддзеле інфармацыі і грамадскіх сувязяў ГУУС Мінгарвыканкама, у гэты дзень госці змогуць атрымаць інфармацыю пра службу ў міліцыі і пра паступленне ў міліцэйскія ВНУ, даведацца аб сацыяльных ільготах і гарантыях для супрацоўнікаў органаў унутраных спраў, асаблівасцях праходжання службы, пра задачы кожнага падраздзялення.

Свята дапоўняць музычныя падарункі аркестра ГУУС і выканаўцаў беларускай эстрады, паказальныя выступленні байцоў мінскага АМАПа і выстава аўтамабільнай тэхнікі і зброі, што знаходзяцца на ўзбраенні міліцыі, а таксама праца экспертаў-крыміналістаў, супрацоўнікаў Дзяржаўтаінспекцыі і многае іншае.

Таксама будуць арганізаваныя спартыўныя конкурсы, пераможцаў і ўдзельнікаў якіх чакаюць памятныя падарункі і сувеніры.

Традыцыйна кожны ахвотны зможа пакаштаваць сапраўдную салдацкую кашу і гарбату з палявой кухні.

Сяргей Расолька
Звязда, 28 верасня 2016
 
Дата публикации:28.09.2016
Тематика:Культура, Образование в Беларуси
Просмотров:1156
 
Ключевые слова:
Профориентация Мінск Милиция Образование в Беларуси
 
 


Комментарии



 



Другие новости по этой теме