https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Мінгарвыканкаме прапрацуюць пытанне аб прадастаўленні некаторых ільгот і скідак сталічным студэнтам


Аб гэтым заявіў на сустрэчы з моладдзю ў рамках агульнарэспубліканскага праекта "Адкрыты дыялог "Моладзь Беларусі: традыцыі і будучае" старшыня Мінгарвыканкама Андрэй Шорац.
У час "Адкрытага дыялогу" са старшынёй Мінгарвыканкама маладыя людзі неаднаразова ўзнімалі пытанне аб прадастаўленні льгот і скідак для студэнтаў, у тым ліку на праезд у грамадскім транспарце, наведванне розных спартыўных аб`ектаў, куплю кніг. Андрэй Шорац паабяцаў, што ў мэрыі прапрацуюць гэта пытанне.

Разам з тым граданачальнік падкрэсліў, што не з`яўляецца прыхільнікам ільгот. "Няправільна дзяліць людзей на белых і чорных, адным прадастаўляючы некаторыя прывілеі, а іншым не. Мы павінны даць людзям магчымасць зарабіць, каб яны маглі набыць сабе тое, што ім неабходна. Гэта самы галоўны пастулат", - сказаў ён.

Праект Беларускага рэспубліканскага саюза моладзі "Адкрыты дыялог "Моладзь Беларусі: традыцыі і будучае" стартаваў у верасні 2014 года. За гэты час ён стаў масавым агульнарэспубліканскім праектам з удзелам усіх рэгіёнаў краіны, прадстаўнікоў грамадскіх арганізацый і аб`яднанняў, вядомых прадстаўнікоў беларускага спорту, культуры, навукі, палітыкі, бізнесу, разнастайных прафесійных галін. Мерапрыемствы адкрытага дыялогу аб`ядналі на дыскусійных пляцоўках амаль 70 тыс. чалавек - навучэнцаў, працуючую моладзь, кіраўнікоў прадпрыемстваў, устаноў адукацыі, органаў дзяржаўнай і выканаўчай улады, прадстаўнікоў навуковай і творчай інтэлігенцыі.

Тэмы, пытанні, праблемы і прапановы, узнятыя ў час адкрытага дыялогу, стануць асновай для вызначэння новага вектара ў рабоце з моладдзю з боку грамадскіх фарміраванняў і органаў дзяржаўнай улады, дапамогуць надаць новы імпульс рабоце з моладдзю напярэдадні Года моладзі.

25 лістапада 2014, Мінск
БЕЛТА
 
Дата публикации:25.11.2014
Тематика:Культура, Образование в Беларуси
Просмотров:1960
 
Ключевые слова:
Год молодёжи Льготы Мінск
 
 


Комментарии



 



Другие новости по этой теме