https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Затрыманая група выкрадальнікаў паліва з нафтаправода Полацк — Вентспілс, якія ў год зараблялі да паўмільёна долараў


Дзеянні падазроных кваліфікаваныя следствам як крадзеж, учынены групай асоб, у асабліва буйным памеры.
Следчым камітэтам Беларусі распачатыя некалькі крымінальных спраў у дачыненні да членаў злачыннай групы, якая займалася выкраданнем дызельнага паліва з магістральнага нафтаправода Полацк — Вентспілс.

Паводле інфармацыі СК і Міністэрства ўнутраных спраў, падставай для распачынання крымінальнай справы паслужылі матэрыялы праверкі, праведзенай галоўным упраўленнем па барацьбе з арганізаванай злачыннасцю і карупцыяй МУС.

Для выкрадання паліва з магістральнага нафтаправода група ажыццявіла незаконную ўрэзку ў трубаправод, праклаўшы кабель даўжынёй прыблізна два кіламетры. Для захоўвання дызпаліва выкарыстоўваўся рэзервуар, схаваны пад гаспадарчай пабудовай згарэлага домаўладання ў адной з вёсак Віцебскай вобласці.

Арганізатарам злачыннага бізнесу быў жыхар Браслава 1971 года нараджэння.

Паводле аператыўнай інфармацыі супрацоўнікаў ГУБАЗіК МУС, падазроныя займаліся злачынным промыслам з 2013 года. Для урэзкі ў нафтаправод і адпампоўвання гаручага выкарыстоўвалі сучаснае абсталяванне, якое закуплялі за мяжой. Тэхналогія не дазваляла ў рэжыме рэальнага часу зафіксаваць спад ціску ў трубах і, адпаведна, спыняць крадзеж.

Аператыўнікі ГУБАЗіК МУС дакументавалі крымінальную дзейнасць фігурантаў на працягу года. Паводле іх інфармацыі, выкрадзеныя сотні тон паліва (у асноўным саляркі), даход ад крымінальнай дзейнасці ацэньваецца ў паўмільёна долараў на год.

Згодна з падазрэннем ва ўчыненні злачынстваў затрыманыя 11 чалавек. Праводзіцца праца па ўстанаўленні іншых асоб, якія маюць дачыненне да дзейнасці групы. 

Следчыя і аператыўнікі працуюць з затрыманымі, праводзіцца агляд месца урэзкі ў нафтаправод і сховішча паліва. Канчатковая шкода будзе ўстаноўленая падчас следства.

Вячаслаў Будкевіч, БелаПАН
Мінск, 11 лютага 2016
 
Дата публикации:11.02.2016
Тематика:Бизнес, Беларусь
Просмотров:631
 
Ключевые слова:
Нефтепровод Полацак Криминал
 
 


Комментарии



 



Другие новости по этой теме