https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Парушальнікі правіл паркоўкі ў Мінску атрымаюць пісьмы "шчасця"


Пра гэта паведаміў старшыня Мінгарвыканкама Андрэй Шорац 10 лютага на пленарным пасяджэнні I Форуму працуючай моладзі.
Улады Мінска ў бліжэйшыя шэсць месяцаў маюць намер кардынальна вырашыць пытанне выканання аўтаўладальнікамі правіл паркоўкі. У прыватнасці, размова ідзе аб адказнасці за неаплату платнай паркоўкі і паркоўку ва неўстаноўленым месцы.

Мэр сталіцы адзначыў, што ў горадзе развіваецца сетка платных парковак. Але, разам з тым, адсутнічае адказнасць за неаплату іх паслуг. "Прэзідэнт згадзіўся, і калі мы ўвядзём адказнасць, то будзе прымяняцца простая схема, - сказаў Андрэй Шорац. - Калі сёння факт карыстання стаянкай трэба даказваць праз суд, то плануецца, што супрацоўнікі ДАІ будуць ездзіць на машынах, выкарыстоўваць у рабоце планшэты і тыя, хто стаіць пад знакам, будуць атрымліваць пісьмы "шчасця".

Андрэй Шорац упэўнены, што аўтаўладальнік, заплаціўшы Br10-20 тыс. за гадзіну паркоўкі, будзе разумець, што гэта танней, чым Br200 тыс. штрафу за няправільную або неаплачаную паркоўку. У цэлым ён канстатаваў, што ў Мінску праблем з наяўнасцю парковачных месц няма.

Як правіла, паркінгі пустуюць, сказаў Андрэй Шорац. "Ёсць пустуючыя месцы, але людзі ўсё роўна паркуюцца ў двары", - адзначыў сталічны граданачальнік. "Гэта, напэўна, нармальнае чалавечае жаданне. Не дарма пра мінчан прыдумалі анекдот. Сусед пытаецца ў іншага суседа: - Чаму ты два тыдні на машыне не ездзіш? - Гэтак добра прыпаркаваўся, што выязджаць крыўдна", - расказаў Андрэй Шорац.

11 лютага 2016, Мінск
Аксана Каруна - БЕЛТА
 
Дата публикации:11.02.2016
Тематика:Транспорт, Беларусь
Просмотров:930
 
Ключевые слова:
Мінск Парковка Штраф Паркинг
 
 


Комментарии



 



Другие новости по этой теме