https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларускі дуэт NaviBand выйшаў у фінал "Еўрабачання-2017"


Беларусь бярэ ўдзел у "Еўрабачанні" з 2004 года.
Беларускі дуэт NaviBand выйшаў у фінал міжнароднага конкурсу песні "Еўрабачанне-2017" у Кіеве.

Ксенія Жук і Арцём Лук`яненка выступілі 11 мая ў другім паўфінале з беларускамоўнай кампазіцыяй "Гісторыя майго жыцця". Згодна з лёсаваннем на сцэну яны выйшлі 14-мі сярод 18 удзельнікаў паўфіналу.

У фінал, які адбудзецца 13 мая, прайшлі таксама Аўстрыя, Балгарыя, Венгрыя, Данія, Ізраіль, Нідэрланды, Нарвегія, Румынія і Харватыя. За бортам засталіся Ірландыя, Літва, Македонія, Мальта, Сан-Марына, Сербія, Швейцарыя і Эстонія. Ачкі, набраныя канкурсантамі ў паўфінале, паводле традыцыі будуць апублікаваныя пасля фіналу.

Пераможцамі першага паўфіналу (9 мая) сталі Азербайджан, Арменія, Аўстралія, Бельгія, Грэцыя, Кіпр, Малдова, Партугалія, Польшча і Швецыя. Не трапілі ў фінал Албанія, Грузія, Ісландыя, Латвія, Славенія, Фінляндыя, Чарнагорыя і Чэхія.

Ад паўфіналу былі вызваленыя Украіна (пераможца "Еўрабачання-2016", арганізатар "Еўрабачання-2017"), Вялікабрытанія, Германія, Іспанія, Італія і Францыя (заснавальнікі конкурсу). Усяго ў конкурсе ўдзельнічаюць 42 краіны.

У фінал прадстаўнікі Беларусі выходзілі ў 2007 (Дзмітрый Калдун), 2010 (гурт "3+2"), 2013 (Алёна Ланская) і 2014 (Тэа) гадах.

Найлепшым стаў вынік Калдуна (шостае месца).

Дзмітрый Уласаў, БелаПАН
Мінск, 12 мая 2017
 
Дата публикации:12.05.2017
Тематика:Культура, В мире
Просмотров:732
 
Ключевые слова:
Евровидение-2017 Конкурс
 
 


Комментарии



 



Другие новости по этой теме