https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Канстытуцыйны суд Украіны ўхваліў папраўкі аб дэцэнтралізацыі


Згодна з высновай суду, прапанаваныя прэзыдэнтам зьмены не скіраваныя на парушэньне тэрытарыяльнай цэласнасьці Ўкраіны.
Канстытуцыйны суд Украіны (КСУ) прызнаў адпаведным асноўнаму закону краіны праект паправак у Канстытуцыю адносна дэцэнтралізацыі ўлады.

Паводле заключэньня суду, прапанаваныя зьмены не абмяжоўваюць правы і свабоды чалавека і грамадзяніна і не накіраваныя на ліквідацыю незалежнасьці або на парушэньне тэрытарыяльнай цэласнасьці Ўкраіны. Намесьнік кіраўніка КСУ Васіль Брынцаў адзначыў адпаведнасьць паправак патрабаваньням украінскай Канстытуцыі.

Праект зьменаў прапанаваў прэзыдэнт краіны Пятро Парашэнка. 16 ліпеня Вярхоўная Рада прагаласавала за тое, каб дакумэнт прайшоў разгляд у Канстытуцыйным судзе.

Паводле паправак, асаблівасьці ажыцьцяўленьня мясцовага самакіраваньня ў асобных раёнах Данецкай і Луганскай абласьцей, якія кантралююцца сэпаратыстамі, будуць вызначацца асобным законам.

Прадстаўнікі абвешчаных сэпаратыстамі Данецкай і Луганскай «народных рэспублік» лічаць, што падрыхтаваны Кіевам праект зьменаў у Канстытуцыю не адпавядае Менскім пагадненьням па ўрэгуляваньні сытуацыі ў Данбасе, паведамляе ТАСС.

Радыё Свабода, 31 ліпеня 2015
 
Дата публикации:31.07.2015
Тематика:Новости, В мире
Просмотров:937
 
Ключевые слова:
Конституция Украина Децентрализация власти Донецк Луганск
 
 


Комментарии



 



Другие новости по этой теме