Курс валютпокупкапродажа
USD318.78320.1
EUR338.96341.96
RUR5.465.55
www.kurs.kz
 


 




Найти
 
 


Каірскі міжнародны кірмаш


Каля 120 распрацовак прадставяць беларускія вучоныя на Каірскім міжнародным кірмашы ў сакавіку

Мінск       Вольга Бяляўская           БЕЛТА
 
Каля 120 навукова-тэхнічных распрацовак прадставяць ВНУ і навуковыя ўстановы Беларусі на 43-м Каірскім міжнародным кірмашы, які пройдзе 11-22 сакавіка. Аб гэтым карэспандэнту БЕЛТА паведамілі ў Дзяржаўным камітэце па навуцы і тэхналогіях Беларусі.
 
Свае інавацыі на кірмашы прадставяць 9 ВНУ і 3 арганізацыі Нацыянальнай акадэміі навук Беларусі. Сярод іх - БДУ, БНТУ, БДУІР, Інстытут фізікі імя Б.І.Сцяпанава, НПЦ па матэрыялазнаўству, Інстытут тэхналогіі металаў НАН і іншыя. Наведвальнікі кірмашу змогуць пазнаёміцца з беларускімі навуковымі дасягненнямі ў галіне мікраэлектронікі, сельскай гаспадаркі, экалогіі, ліцця металаў, лазерных і ЗВЧ-тэхналогій, новых матэрыялаў і г.д.
 
Праграма кірмашу ўключае розныя тэматычныя семінары і дзелавыя сустрэчы. Плануецца, што беларуская дэлегацыя правядзе перагаворы з прадстаўнікамі дзелавых колаў, навуковых інстытутаў і цэнтраў Егіпта, у час якіх будуць устаноўлены новыя дзелавыя кантакты з прадпрыемствамі і кампаніямі гэтай краіны.
 
Каірскі міжнародны кірмаш - адна з самых вядомых і наведваемых падзей у Афрыцы і на Блізкім Усходзе. Мерапрыемства накіравана на садзейнічанне мясцовым і замежным прадпрыемствам і гандлёвым кампаніям ва ўстанаўленні супрацоўніцтва, пашырэнні рынкаў збыту іх прадукцыі і паслуг, развіцці вытворчай, дзелавой і імпартна-экспартнай дзейнасці. На кірмашы шырока прадстаўлена прамысловая прадукцыя. У мінулым годзе ў кірмашы прынялі ўдзел больш як 1,3 тыс. экспанентаў, з іх 330 міжнародных кампаній. Экспазіцыю наведалі больш як 1,4 млн. чалавек. Арганізатарам мерапрыемства выступае Генеральная арганізацыя міжнародных выстаў і кірмашоў (GOIEF) пад эгідай Міністэрства гандлю і прамысловасці Егіпта.  
 
 
Дата публикации:23.02.2010
Тематика:, Беларусь
Просмотров:6762
 
 


Комментарии