На сустрэчы з Прэзідэнтам, у прыватнасці, абмяркоўваўся ход уборачнай кампаніі. "Лічу, што па выніках сённяшняга дня павінны выйсці на першы мільён тон. Ураджай добры, і яго трэба ўбраць без страт. На гэта асабліва звярнуў увагу кіраўнік дзяржавы. Любая спаборнасць, якая ў нас прысутнічае пры ўборцы, не павінна адмоўна ўплываць на якасць", - заявіў прэм`ер-міністр.

Міхаіл Мясніковіч праінфармаваў аб рашэнні да 1 жніўня дадаткова паставіць аграрыям яшчэ 300 новых камбайнаў вытворчасці "Гомсельмаш". "Але гэта зусім не азначае, што "Гомсельмаш" будзе сядзець склаўшы рукі і не думаць аб экспарце сваёй прадукцыі", - заўважыў ён.

Прэм`ер-міністр у тым ліку далажыў Прэзідэнту аб прымаемых мерах для павышэння эфектыўнасці ў сельскай гаспадарцы. Кіраўнік дзяржавы запатрабаваў істотна палепшыць стан спраў, звярнуўшы ўвагу, што ў будаўніцтва малочнатаварных комплексаў укладаюцца вялікія грошы, а належнай аддачы пакуль няма. "Асабліва гэта датычыцца Віцебскай і Магілёўскай абласцей, ды і Мінская вобласць магла б значна дабавіць. Па малацэ і нарыхтоўцы кармоў лепш за ўсіх працуе Брэсцкая і Гродзенская вобласці. Астатнім трэба яшчэ капітальна дабаўляць", - сказаў Міхаіл Мясніковіч.

21 ліпеня 2014, Мінск
Уладзімір Мацвееў - БЕЛТА

Ссылка на текущий документ: http://belarus.kz/aktueller/2-/1/26739

Текущая дата: 19.05.2024