Панядзелак 27 лютага 2017 г.

Курс валютпокупкапродажа
USD318.78320.1
EUR338.96341.96
RUR5.465.55
www.kurs.kz
 


 




Найти
 
 


Аляксандар Ходзька (Барэйка)


Александр Ходько
Дыплaмат, паэт, перакладчык, вучоны, даследчык культуры народаў Персіі (Іран).

Паходзіў са старажытнага шляхецкага роду. Нарадзіўся 30 жніўня 1804 года ў Крывічах, (цяперашні Мядзельскі раён Мінскай вобласці).

Атрымаў дасканалую хатнюю адукацыю, потым скончыў гімназію у Вільне і у 1820г. паступіў на філалагічны факультэт універсітэта. Пасябраваў з Тамашам Занам і Янам Чачотам і, неўзабаве, увайшоў у студэнцкае таварыства філаматаў.

У 1823 годзе тайныя арганізацыі, яднаўшыя студэнтаў з усяе Літвы (Беларусі), былі выкрыты царскімі ўладамі. Ходзька, разам з Чачотам, Міцкевічам, Занам і Дамейкам, з восені 1823 года да вясны 1824 года знаходзіўся ў зняволенні у Вільні. Пасля апраўдання прадоўжыў вучобу і ў 1825 годзе скончыў універсітэт са ступенню кандыдата філасофіі.

У 1829 годзе ў Пецярбурзе выйшаў зборнік  Ходзькі “Паэзія” , у які вайшлі пяць песень па беларускіх матывах. У наступным зборніку, прысвечанаму Міцкевічу былі элегіі, балады па “літоўскіх”  (беларускіх)  народных матывах: “Васілёк”, “Алеся”, “Маліны”, “Вясенняя ноч у Літве”, “Паніч і дзяўчына”, балада “Незнаёмец”. І там жа ўключаны балады па матывах азербайджанскіх, туркменскіх, башкірскіх, новагрэчаскіх, харвацкіх песень і паэма на арабскі матыў “Дэрар”, якую ў 1839 годзе пераклалі на рускую мову і надрукавалі асобным выданнем.

З 1830г. па 1841г. знаходзіўся на розных пасадах на расійскай дыпляматычнай службе у Персіі.

Пасля адстаўкі па стану здароўя пераехаў у Еўропу і у Лондане у 1842г. выйшла самая вядомая кніга А.Ходзькі  "Узоры народнае паэзіі Персіі..."( "Specimens of the popular poetry of Persia: As Found in the Adventures and Improvisations of Kurroglu, the Bandit-Minstrel of Northern Persia") - перакладзеныя на ангельскую мову песні прыкаспійскіх народаў, у тым ліку вядомы ўсходні эпас “Кёр-Аглы”.

Потым былі напісаны яшчэ: “Граматыка персідскай мовы”, “Персідскі тэатр”, падручнік турэцкай мовы, розныя гісторыка-этнаграфічныя нататкі, фальклёрныя публікацыі, артыкулы, асвятляўшыя малавядомую тагачаснаму свету культуру народаў Персіі.

У 1858 годзе Аляксандар Ходзька (пасля Міцкевіча) займае катэдру прафесара славянскіх моў і літаратураў у парыжскай вышэйшай школе Калеж дэ Франс і кіруе ёю па 1883 г.

Пайшоў з жыцця 19 снежня 1891 года ў Нуазі-дэ-Сен і быў пахаваны на могілках у Монмарансі.

(па матэрыялах Яўгена Фурса)

Кoличество переходов на страницу: 2910


Комментарии



 

 
 
 
 
 
 
Warning: Unknown: write failed: Disk quota exceeded (122) in Unknown on line 0 Warning: Unknown: Failed to write session data (files). Please verify that the current setting of session.save_path is correct (/var/www/belarus/data/mod-tmp) in Unknown on line 0